小瀅倩影 @香港公園

今年同舊年一樣, 

我地都襯係香港搵攝影師幫我地影一輯相

當然, 我地又係搵左阿文 Alvin喇...

當年, 我地結婚, 係阿文幫我地影石澳外景

舊年, 小瀅豬半歲就係阿文既影樓玩左一輪.

今年, 歲半識行識走.... 我地決定係場外影.

揀左香港公園.

收到所有相, 我地非常非常滿意...

同大家分享下先

非常多既表情, 又玩得好開心

快D喇, 快D喇

愛上維他檸檬茶, 爹地話應該搵贊助啵

有咩甘煩惱丫?

傻豬係度傻笑

我有問題丫

只係一年既時間, 呢位小朋友真係變左太多喇.

不過仍然係媽咪最愛既傻豬仔....

嘩哈哈

柑柑我鍾意食

最近呢位小朋友愛上食柑柑...

本來最愛既提子已經唔再care

日日放學就叫食柑柑.

當然一日唔會俾多過2個佢

因為我地唔肯幫佢

佢就自己黎....

雖然慢D, 不過都有得食架.

馬年賀年裝

笑口常開

爸B話我似春麗啵

因為聖誕返左HK, 媽咪當然唔會錯過買賀年裝喇

今年揀2件, 自己都好滿意.

起碼人人見到人人贊先喇

恭禧 - 馬年

馬年第一POST...

祝大家心想事成, 萬事如意



媽咪非常懶丫.....

真係好耐無打BLOG, 又好耐無UPDATE



仲等到年初十先上黎拜年...(遲到總好過無到既, 又有懶既藉口)



媽咪係年初一就幫小豬換上賀年裝...

仲有小瀅好乖甘係巧虎度學識恭禧... (當然係甘而喇)

好耐無見 ~ 懶囉

真係好耐無寫BLOG...
咪係一個字懶囉...

去大家既BLOG度look look既時候...
原來好多blog友榮升第2任媽咪...真係開心事....

由小瀅豬一歲過後, 都好多朋友問.... 幾時我地再要多個小朋友..
其實每次聽到... 都係眼淚心裡流...
雖然過左好多個月, 不過仍然好難忘懷...
曾經擁有存在過, 特別聽到差唔多預產期既消息, 都會想起自己失去既小天使.

(6月尾既時候, 發現小天使既存在,仲急急幫小瀅戒人奶,  不過幸福只係短短幾日,小天使係6個幾星期就走左)

當然, 我希望我既家庭係有2個小朋友, 不過如果無, 仍然心足...起碼我有小瀅...

突然感慨,
上星期岩岩識左新朋友...佢2公婆好鍾意小朋友... 不過因為一次小產, 加醫療失誤.... 佢地唔可以擁有自己既小朋友. 佢地試過好多其他方法, 仍然唔可以擁有一個小朋友...
聽完我就覺得自己幸運既一個, 我有小瀅呢個可愛又甜既囡囡. (當然陀佢既經驗真係驚險)... 我地會再試既(要等我地係聖誕去完香港先再努力喇) 費時到時真係甘好彩中左, 都唔知上唔上飛機好...

唔知小天使幾時再黎呢?

好喇...感慨完畢, 又再做樂天開心既我

喂喂喂, 搵邊位

小瀅, 突然有一日學識講電話.
雖然媽咪我係好鍾意講電話, 不過, 一定唔係媽咪教架..因為我好少係小瀅面前拎電話講
應該係係學校學既.....

不過, 真係好可愛

Shopping 小瀅豬

成日同媽咪行街, 我都愛上shopping喇..
成為最細既shopping queen