真係好耐無寫BLOG...
咪係一個字懶囉...
去大家既BLOG度look look既時候...
原來好多blog友榮升第2任媽咪...真係開心事....
由小瀅豬一歲過後, 都好多朋友問.... 幾時我地再要多個小朋友..
其實每次聽到... 都係眼淚心裡流...
雖然過左好多個月, 不過仍然好難忘懷...
曾經擁有存在過, 特別聽到差唔多預產期既消息, 都會想起自己失去既小天使.
(6月尾既時候, 發現小天使既存在,仲急急幫小瀅戒人奶, 不過幸福只係短短幾日,小天使係6個幾星期就走左)
當然, 我希望我既家庭係有2個小朋友, 不過如果無, 仍然心足...起碼我有小瀅...
突然感慨,
上星期岩岩識左新朋友...佢2公婆好鍾意小朋友... 不過因為一次小產, 加醫療失誤.... 佢地唔可以擁有自己既小朋友. 佢地試過好多其他方法, 仍然唔可以擁有一個小朋友...
聽完我就覺得自己幸運既一個, 我有小瀅呢個可愛又甜既囡囡. (當然陀佢既經驗真係驚險)... 我地會再試既(要等我地係聖誕去完香港先再努力喇) 費時到時真係甘好彩中左, 都唔知上唔上飛機好...
唔知小天使幾時再黎呢?
好喇...感慨完畢, 又再做樂天開心既我
Add oil la.
回覆刪除Thanks
刪除冇錯呀，比起好多人我都已經好幸福，其實小天使有一直看顧你地，好快佢就會派多個小天使降臨你地屋企架啦，加油^^
回覆刪除Thanks ar...希望喇
刪除再努力啦,總有希望!
回覆刪除希望在明天....希望!
刪除聽到都覺得好心痛... 不過唔緊要, 有過會易好多再中, 繼續努力, 同時好好珍惜依家同小瀅豬的相處啦, 始終生左2件, 點都會少左時間湊個大架~~
回覆刪除其實依家都好好多架喇...不過係聽見D唔開心既事/或者朋友不斷既詢問會諗起囉...
刪除依家小瀅既階段真係幾好玩架.
知道你及朋友的狀況, 真係傷感及心痛。希望你能在此期間調理身子，待聖誕節之後從新出發。到時，希望夾到時間見面相聚。
回覆刪除當然喇.. 聖誕/1月係HK見喇...
刪除放心啦，好快會再來一個小天使！
回覆刪除Eva, 我知道件事無論發生左幾耐，始終係發生過都難以當沒發生，傷感難免，但你已經很勇敢，積極面對，我深信小生命一定會再次出現，好快可以再一次感受心連心的感覺。
回覆刪除對，雖然小高未有幸能夠當中母親一職，但我知道我已經是幸福的，身邊有家人朋友的愛鍚，你呢，更幸福，有一位可愛又乖巧的小瀅豬，好期待跟你們相聚！
Eva, 加油呀！