好耐無見 ~ 懶囉

真係好耐無寫BLOG...
咪係一個字懶囉...

去大家既BLOG度look look既時候...
原來好多blog友榮升第2任媽咪...真係開心事....

由小瀅豬一歲過後, 都好多朋友問.... 幾時我地再要多個小朋友..
其實每次聽到... 都係眼淚心裡流...
雖然過左好多個月, 不過仍然好難忘懷...
曾經擁有存在過, 特別聽到差唔多預產期既消息, 都會想起自己失去既小天使.

(6月尾既時候, 發現小天使既存在,仲急急幫小瀅戒人奶,  不過幸福只係短短幾日,小天使係6個幾星期就走左)

當然, 我希望我既家庭係有2個小朋友, 不過如果無, 仍然心足...起碼我有小瀅...

突然感慨,
上星期岩岩識左新朋友...佢2公婆好鍾意小朋友... 不過因為一次小產, 加醫療失誤.... 佢地唔可以擁有自己既小朋友. 佢地試過好多其他方法, 仍然唔可以擁有一個小朋友...
聽完我就覺得自己幸運既一個, 我有小瀅呢個可愛又甜既囡囡. (當然陀佢既經驗真係驚險)... 我地會再試既(要等我地係聖誕去完香港先再努力喇) 費時到時真係甘好彩中左, 都唔知上唔上飛機好...

唔知小天使幾時再黎呢?

好喇...感慨完畢, 又再做樂天開心既我

2008大事回顧

2008年唔算係精彩既一年.....無咩特別既大事發生
最大件算係: 我同ivan 豬決定係牛年結婚 (有人問: 點解個決定甘突然? 係咪有左) 哈哈....只要覺得佢係mr.right甘就係最緊要, 呢個決定唔係因為時間既長短...最緊要係適合
因為經濟唔好既關係, 我份工既壓力係超大.....公司由03/2008開始laid off.....返工真係提心跳膽....成日都唔知下一個會唔會係自己.. 公司既size都大縮水..由2500人到年尾得番650-700人....感謝主, 我仍然在自己崗位上
係2008既6月, 要同ivan豬開始分距兩地, 呢個對我地而言,係一個大考驗, 由相識到相愛, 我地都無分開過, 因為地理位置同飛機票既關係, 我地只可以一個月見一次.....
2009年係我同ivan豬既一個新既里程碑......展望新開始, 新生活.....
希望我地婚姻幸福美滿, 我可以搵到一份好既新工......

近況

最近既近況係點??

開始做Part time喇..不過真係唔知應唔應該做
唔係一份辛苦既工, work at home (on phone only)
當然人工都唔係貴喇, 只係時間上無甘大彈性囉
好多時返左工就要返屋企, 唔可以同d 朋友仔去行街食飯

boston university.....仲係度等緊消息
希望佢地會收我喇....唔知仲要等幾耐呢??

公司?? 哈哈...我真係唔知
有時返8個鐘, 7個半鐘都無野做,好悶...
有時又好鬼死忙....
剛剛又炒左200人, 有人話係最後一次炒人啵..
真係有無個知...
但我條team又有bonus啵.. 雖然唔係好多...好過無喇叭
你話究竟公司捱唔捱得住
management又諗緊咩???
不過我已經開始搵工嚕, 都搵定後路好d

當然收到bonus我自然要買禮物獎勵自己喇
依定周圍都大減價
哈哈,我最後買左一條juicy既連身裙,好可愛架
雖然65% off, 但都係好貴,值唔值？
貴左個名之麻

1星期

ivan去左ct已經一個星期
好多人問既問題, 你點丫, 你OK嗎?你幾時會搬丫??習慣無

哈哈.....星期一至五都要番返...又忙..真係無咩時間去諗
Full Time 加 Part Time, 由朝9做到晚11....
真係累, 咩都唔會點諗

不過今日係星期六.
不得不講句,我真係唔習慣, 唔適應
突然覺得間屋好大, 好靜
生活好似無左重心, 做咩都提唔起勁
食而無味......好慘丫

以前自己一個人係美國生活,
都有一排朋友係身邊
不過依家大家都忙...朋友亦唔似以前甘Close
亦有好朋友仔唔係Miami
好似自己一個孤令令甘

唉.....唔知自己幾時先會習慣...唔再流淚呢?

2007年大事回顧

2007年話甘快就過左喇
07年...發生左好多事.
有好有壞
壞既大部份都係頭半年發生.
先苦後甜..
好事一件件甘跟住黎

壞既就唔好提喇..

好既就要好好記住
- 轉左份好工
-搵到張長期飯票 (一個好男友)
-換左架車車.

希望08年..好事一直來

08年:
要讀MASTER（ｆｉｎａｎｃｅ？）
要去旅行...香港,黃石公園...etc
要減肥．．（最好減到２０磅）
仲要好好甘做好份工

願大家０８年都係好好既一年
身體健康！！

補番數

超級耐無打過blog嚕...

唔知係忙定係懶..
哈哈...

依家一次過補番喇..

呢段日子都唔係有好多野發生左既

1. 換左架新既mini cooper
係紅色既
又靚又快

2. 有個超磅既契仔.
不足兩個月大都有17磅
好似人地8,9個月甘大份
哈哈..
不過佢又真係勁可愛既

3. 買左個新gucci手袋...
好開心既..
一講到駛錢我就最開心

4. 花紅既加薪都係我預期既好
真係一間唔錯既好公司.

5.honey間屋終於都攪掂.
2008可以好好enjoy下

6.好友欣欣同chris係12月27日結婚
祝他們白頭到老..永遠幸福快樂
亦願真真同ck明年既婚姻美滿
看見一對對情侶既結局..
都有點兒羨慕

時光流走

與朋友一起是最快樂既時光...

好懷念讀書時既好時光...

如果時光可以倒流有多好

~~~~~~~~~~~~~~~~~~~~~~~~~~~~~~~~~

上星期三買左架新車車...

紅色 MINI COOPER S

好鍾意呢架小可愛

不過有D心痛喇..

依家每個月都要俾 CAR PAYMENT

又老一歲喇

3月14日是本人之生日

亦是日本的白色戀人......(可惜我又無男友)

又老一歲喇.....

都幾可悲....四分一個世紀已經過去

但自己都好似唔知自己想點甘.....

希望今年係燦爛既一年.....

精精彩彩過我25歲既人生喇.....呵呵

特別多謝....laklak.....easter......seeme......meisin.....carrie....sonia.......winnie...teresa...等

香港之旅 --回顧

今次香港之旅, 有幾大驚喜

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

回顧1: 老豆終於同意我讀master

哈哈.....好難得

一直佢同媽咪都唔肯俾我讀master

覺得女子無材便是得

讀甘多書好難嫁人架....

女仔應該簡簡單單...唔駛太叻

不過老豆今次同我講....讀埋master都好既...

嘩......好開心丫.....

雖然都係自己供自己讀...不過有老豆贊成...

我唔駛再同佢地因呢樣野再嘈

************************************************************

回顧2: 我走之前既一日,

我電話無喇喇響起"無賴"呢首歌

"唯獨妳愛我這廢人出錯妳都肯去忍然而誰亦早知不會合襯偏偏妳願意等為何還喜歡我我這種無賴是話妳蠢還是 很偉大在座每位都將我踩口碑有多壞但妳亦永遠不見怪何必跟我我這種無賴活大半生還是很失敗但是妳死都不變心跟我笑著捱就算壞我也不心(偷偷作怪)＊沒有根的野草飄忽的命途誰像妳當我寶什麼也做到舊愛數足一匹布在這刻寫句號只想跟妳終老"

好耐好耐都無響過, 我亦唔覺佢會打俾我

我接起電話

不過, 原來我地係相對無言

我以為我地可以成為朋友..

不過Esther話得岩, 分手後要再成為朋友係難事, 因為身邊既另一半可能介意

而我, 可能係固執....

時間空間令我地都在改變

朋友...........真係緣份..

何必強求

p.s: 佢唔係我唯一既男友, 不過係我付出最多既一個..

係佢以後既男友, 因我學會保護自己, 同時又唔長久...我又點會付出甘多

哈哈....tony話既寧缺勿濫麻...

-------------------------------------------------------------------------------

回顧3: 我第一次見我契仔...

希希...是我既契仔..

佢係一個好可愛既bb, 又好鍾意笑

好想快d聽到佢叫我

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

回顧4: 識左幾多新朋友...

唔......佢地令我既睇法係唔同左......

識左d朋友, 眼光真係闊d

******************************************************

回顧5: 係香港日日都睇股市

哈哈...我係HK, 成日都升

都可以賺番D甜頭..唔錯架..可以幫補下

我一走...股市就狂瀉....

好彩...一早就做左其他投資

-----------------------------------------------------------------------------

完

新年總結

哈哈....好耐都無寫我個blog....因為係香港當然好忙喇...忙緊玩麻....呵呵...

總結一下....

----------------------------------------------------------------------------------

年初一

一如以往, 一定要同grandma拜年架喇.....

之後, 咪係屋企休息同食飯

****************************************************************

年初二

一早, 無咩可以做, 因為屋企無咩親戚, 所以都唔駛拜年

下晏, 本來去唱卡, 點知俾人放飛機

晚上, 去左王子酒店開房, 唔好心邪...係開房打牌..

雖然輸左少少錢, 不過識左幾倨朋友仔

Arthur 同 Tony 係同一類人, 因為佢地所以識多左好多人

打通宵....好累丫

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

年初三

我又去見我契仔喇..

越睇佢越可愛.......

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

年初四

股市開喇....發左d新年財

哈哈...好開心.....

----------------------------------------------------------------------------------

之後, 一直好努力甘玩...

日日都出街,

同d朋友行街, 食飯

(多謝 Shirley, Esther, Fanny, WunYan, YanYan, Tony, Kathy, Terersa, HeiHei, ManMan, Henry, Jacky etc..)

盡情甘去癲...去玩

好好甘enjoy 我既假期

***************************************************************

今年既利是收入唔錯

最貴既禮物係燕窩年糕加燕窩 (p.s. D燕窩年糕都唔好食, 我寧願要錢好過)