真係好耐無寫BLOG...
咪係一個字懶囉...
去大家既BLOG度look look既時候...
原來好多blog友榮升第2任媽咪...真係開心事....
由小瀅豬一歲過後, 都好多朋友問.... 幾時我地再要多個小朋友..
其實每次聽到... 都係眼淚心裡流...
雖然過左好多個月, 不過仍然好難忘懷...
曾經擁有存在過, 特別聽到差唔多預產期既消息, 都會想起自己失去既小天使.
(6月尾既時候, 發現小天使既存在,仲急急幫小瀅戒人奶, 不過幸福只係短短幾日,小天使係6個幾星期就走左)
當然, 我希望我既家庭係有2個小朋友, 不過如果無, 仍然心足...起碼我有小瀅...
突然感慨,
上星期岩岩識左新朋友...佢2公婆好鍾意小朋友... 不過因為一次小產, 加醫療失誤.... 佢地唔可以擁有自己既小朋友. 佢地試過好多其他方法, 仍然唔可以擁有一個小朋友...
聽完我就覺得自己幸運既一個, 我有小瀅呢個可愛又甜既囡囡. (當然陀佢既經驗真係驚險)... 我地會再試既(要等我地係聖誕去完香港先再努力喇) 費時到時真係甘好彩中左, 都唔知上唔上飛機好...
唔知小天使幾時再黎呢?
好喇...感慨完畢, 又再做樂天開心既我
