扮靚既目標

好快08年就要過去喇
我好希望係09年來臨前...我既體重可以跌落13xlbs喇.....
09年就係我既大日子, 一定要以最佳狀態示人......
由1月起, 就日日/隔日做mask.......
向我既125-130lbs體重邁進......
係時候要留意下d body磨砂產品

black friday ~ shopping

美國既全年減價得最厲害既一日就係感恩節翌日(black friday).
今年因為經濟差既關係, 好多地方都提早開門.........晚上12點就開喇.....今年honey豬肯陪我一齊瘋.....我地11點幾就開始塞車入mall既停車場....由半夜12點行到早上7點幾..
我地既收穫真係好豐富架.....一切既駛費都由honey豬包辦, 多謝honey豬

我的寵兒-豆豆, 我係咪好可愛呢?

我的大日子

9 * 3 = 27..
2009年3月27日係我同ivan豬既大日子
婚宴會於跑馬地馬會舉行
仲有半年時間去籌備, 時間話多唔多, 話少唔少
不過最大難度 ~ 人在美國而辦一個香港既婚禮
好多野真係靠睇相, internet 同埋我既好友幫手

新成員

我既寶貝 --豆豆

ivan 既囡囡

我倆未來既家, 本身已經有1狗1貓, 不過今個thanksgiving

我地未來既家將再加添一名新成員

我係新成員, 我叫momo, 今年兩歲大丫...因為舊主人唔要我喇

將我放係grooming shop...
依家我好開心喇, 因為有兩個錫我既新主人

我同豆豆既合照

休閒既周末

一個好休閒既周末...同埋係一個幾lucky今日約左去做massage啵....係honey仔之前買黎送俾我既..甘點知佢地既時間攪錯左, 甘佢地就送左個香薰spa俾我...掂丫....好懷念係香港既日子, 個個星期去做facial...係美國每一次facial..要成百美金....香港真係又平又靚跟住, 去左行街....shu uemura最近係miami開左個counter....當然我要去左8喇...個sale好好人, 我only買左foundation, 但佢送左勁多sample俾我...最最最好既, 佢送我一次免費facial同埋一次教化妝.. cool

boston之旅

哈哈......9月21日既weekend....

我同honey豬去左boston旅行...

去慶祝honey豬30歲既生日...

最開心既係有好多好野食....

d雞...真係有雞味....

我地食左...台灣野, 越南野, 馬來西亞野, 匈牙利野 etc....

減肥成績

一共食左西柚減肥餐3個round...
前前後後瘦左十幾磅...
我既目標係130lbs.....要努力加油先得

食西柚對我而言, 一d都唔係問題..
自己一向都鍾意食酸既野...
反而食沙律食到我想嘔.....我真係唔係牛...唔可以only食草.....哈哈

下一個計劃係咩???
應該係去做gym既....不過我甘懶...幾時先去行動呢?

西柚減肥餐單

這餐單要連續12日,再停兩日.如有雖要再重 覆12日,在停兩日,如此類推. 在午餐同晚餐中除了西柚外,所有份量也可以隨意進食,直 到飽肚為止. 早餐: 半隻西柚(可搾汁)無糖 兩隻雞蛋 任何煮法也可 兩塊煙肉 午餐: 半隻西柚(可搾汁)無糖 沙律(醬汁不限) 肉類(任何煮法也可) 晚餐: 半隻西柚(可搾汁)無糖 肉類(任何煮法也可)以魚類為佳 以下二選一: 1. 綠或紅色蔬菜(可配任何調味,牛油也可) 2. 沙律(醬汁不限) 如有雖要每餐只可飲一杯低因咖啡或淡荼 小食: 一杯蕃茄汁或脫脂奶 遵守之規則: 1.不要私自減去餐單上任何食物,特別是煙肉同沙律.因此餐單是用以上各種食物 混合產生化學原理去燃燒脂肪.而西柚是非常重要的,因為它是這餐單的觸發劑 是它引領整個燃燒過程,故不可少 2.減少咖啡數量,因為它會影響胰島素從而減慢整個燃燒過程. 3.除以上餐單外,不可再進食其他食物或飲品(水除外).如你遵照以上做法, 你應該不會感到肚餓 4.不可食甜品 面包 蔬菜類不包括:白色蔬菜類.蕃薯.薯仔.白洋蔥.芹菜 包括:紅椒 紅蘿蔔 洋蔥(紅或綠) 迪蕃茄 西蘭花 蘿蔔 青瓜 黃瓜 椰菜 生菜 菠菜 後記: 你可隨意食任何肉類.沙律或蔬菜,亦可以牛油來烹調.但必須完全減免糖同澱粉質 這些 能產生脂肪貸的食物

場地

決定左係跑馬地馬會設婚宴...

哈哈....呢個場真係幾grand 架....



要努力去籌備我地既婚禮

三聚氰胺

三聚氰胺.. 一個好專業既學名....
突然好多人識得
係因為好多小朋友飲左d含有超標既三聚氰胺令佢地生腎結石
原來唔單單係牛奶, 奶粉先超標...仲有好多我地由細食到大既零食...
例如...大白兔糖....樂天熊仔餅...

點解d人可以甘無良心去殘害將來社會既楝樑

一個金融時代既終結

都無人估到一夜之間, 歷史悠久既lehman brothers會破案
另一大i-bank...Merrill lynch 俾 bank of america合併

一個金融時代既終結........我地有幸參與 (是幸定不幸??)

華爾街已經再沒投資銀行既存在.......
係I-bank工作已經唔係天之驕子....
goldman, morgan....全都變成傳統既銀行...
合併收購戰一觸即發....

全球經濟幾時先可以穩定呢???

有無擔心我公司都會破產.???由今年初開始都驚架喇...
我地仲同lehman brothers有生意來往tim...
不過其實要發生都會發生架喇

煩煩煩

原來統籌結婚係一件好煩既事
人人都有唔同既意見
仲有四大長老既問題
錢..地方..時間..甚至應否結婚
嘩嘩嘩.....真係煩死

因為搞結婚, 我都唔知喊左幾多次

要四大長老開心, 定要自己開心??



我只不過係一個好平凡既女子

我對婚姻婚禮充滿憧憬

我覺得婚禮係一生人得一次

我想要一個好好既回憶

我好想父母睇著我出嫁

我好想老豆拖著我行禮, 將我交矛未婚夫

我唔需要一個好華麗盛大既婚宴



但一般女子想要既野, 我都想要

靚靚既婚紗, 化妝set頭, 攝影錄影, 晚裝



無錯, 一日之間要駛好多錢

之前亦要好努力甘去儲錢.



但我認為是值得

完成round 1

哈哈.....終於食完第一個round
減左6磅....
係12日內可以減左6磅....成績唔錯!!
唯一, 係依家唔想再食沙律

可以抖番兩日...
兩日之後再黎過....

向目標進發

減肥

的起心肝去減肥
因為係網上見到一個唔錯既減肥食譜
又見到好多人又真係減得到啵
咪想試下囉

我既目標係20磅....

如果真係得既, 先公開食譜喇

自私

點解有d父母可以甘自私
咩都係從自己既角度出發
唔為自己既子女設想...唔會想去幫
only同d子女計...

好彩....
我既父母係100分既...
處處為我設想...
最緊要我開心...佢地就開心

可能我係一個好開心既家庭長大既溫室小花
更加唔明點解個d自私既父母

其實, 當你唔去幫忙自己既子女...
到時, 你既子女將來亦唔一定會幫你
將心比己.....

又一問題

如果係你....你會點揀

1. 讀master
2. 新屋既downpayment

當你儲既錢only夠做一種既事候
你會做咩呢??

讀書?? 一個漫長既計劃....
唔知讀完同依家有咩唔同....
我真係好想讀書,又唔係架...
不過係有需要囉..
要自我增值..唔係會俾人踢出局架

買樓??一個更架漫長既道路
不過讀finance既我...都成日鼓勵有錢既時候係要投資
依家樓市甘低...又差唔多見底
係一項唔錯既投資

點解人生甘多選擇架

關心???

唔知點解有d人關心人地方法好特別架
鍾意將人地既私事好似八卦新聞甘同人地講..

喂喂..我同你傾下ja...
唔代表想全世界都知架...
唔該尊重下我....

近況

最近既近況係點??

開始做Part time喇..不過真係唔知應唔應該做
唔係一份辛苦既工, work at home (on phone only)
當然人工都唔係貴喇, 只係時間上無甘大彈性囉
好多時返左工就要返屋企, 唔可以同d 朋友仔去行街食飯

boston university.....仲係度等緊消息
希望佢地會收我喇....唔知仲要等幾耐呢??

公司?? 哈哈...我真係唔知
有時返8個鐘, 7個半鐘都無野做,好悶...
有時又好鬼死忙....
剛剛又炒左200人, 有人話係最後一次炒人啵..
真係有無個知...
但我條team又有bonus啵.. 雖然唔係好多...好過無喇叭
你話究竟公司捱唔捱得住
management又諗緊咩???
不過我已經開始搵工嚕, 都搵定後路好d

當然收到bonus我自然要買禮物獎勵自己喇
依定周圍都大減價
哈哈,我最後買左一條juicy既連身裙,好可愛架
雖然65% off, 但都係好貴,值唔值？
貴左個名之麻

July 4 Weekend

July 4 weekend Honey 豬返左黎MIAMI
真係好開心架....感覺好好, 因為唔係自己一個
有人陪真係唔同D
都無咩特別節目....平平淡淡既一個周未
係屋企煮牛尾,包雲吞.....行街街...同豆豆去SOUTH BEACH
時間過得因為好快, 轉眼就要分別嚕....
唔知下一次見面會係幾時呢??

不過我依家可以好肯定甘話
Honey 豬已經係我生命中既一部分
無左之前既唔肯定.....
係一個Positive既信號丫

Worry

大約再過一兩個星期
我就會知BU會唔會收我讀 master
真係好擔心....
因為佢地話我既 overall GPA唔係太好...
不過如果剩係計major GPA既話..甘就ok..
最後結果真係要等.... 心情 15/16

我可以做既係多禱告......
如果神為我安排既, 門一定為我開
我搵BU個program都係一日, 無喇喇佢地send d 資料去我e-mail..
又係我想讀既科目... 甘我咪去試下
唔知點解佢地有我e-mail喇....純粹巧合?? 定係冥冥注定??
真係天知, 地知, 神知, 我唔知... 哈哈

回頭睇, 好多事係主一早為我安排 (當然當時唔覺, 仲擔心呢樣果樣添)
由黎美國住係一個充滿為基督既家, 感受神既愛及恩典... 接受主成為主既兒女
到讀書, 生活上既細節, 工作, 及愛情生活, 我知主一步步為我安排
有頹喪既時候, 好似所有門都關上, 你會見到一線光從其他方面射進
好多起起伏伏, 似是主既考驗......唔知我又通過幾多關 (我一定係唔合格既基督徒)
在我遠離神之時, 神沒有放棄我

交付上我人生路於主手
雖然好難做到唔擔心....不過會為我既工作前程, 讀書學習, 愛情婚姻禱告
願我明白主既旨意, 亦有心跟隨

我係咪鍾意讀書??
我左睇右睇都唔似喇
讀大學係依家呢個社會一張入場卷
決定讀master唔係鍾意依係有需要
社會不斷轉變, 好多人都係master, 唔讀真係唔夠人爭
有時係度諗4萬幾蚊, 仲要起碼兩年時間先有個master, 值唔值得??
依家份工, 又唔係好差啵, 可能升得唔夠人地快, 但可以慢慢爬架
但如果一定要讀, 甘梗係依家讀喇...唔通等都記憶力慢慢開始差先黎讀咩
我實在太矛盾嚕.... 鬼叫我係一個雙魚座既女人咩...

英語水平

早前香港高考放榜...好多中中畢業既考生都因為英文不合格,而大學止步
我都係一個中中畢業既人... 英文程度真係唔夠英中既好
因為接觸既機會少, ONLY英文堂先見下 ABC...哈哈 =P
個低真係打得唔夠好

究竟係母語教學既失敗定係師資質素既問題?

我大大話話都黎左美國7年幾, 英文當然有進步
但Gramma,做句各方面仍然有進步既空間
有時都幾氣餒架....心諗點解自己既英文仲係甘差
唉.......

唔通我應該返我既祖國發展???

我信愛是恆久

常聽說世界愛沒長久，
哪裡會有愛無盡頭？
塵俗的愛只在乎曾擁有，
一刻燦爛便要走！

而我卻確信愛是恆久，
碰到了你已無別求；
無從解釋、不可說明的愛，
千秋過後仍長存不朽！！

明日幻變天地無法猜得透，
也許風雨盡蓋掩滿天星宿；
有你在旁將真愛盡傾流，
寒夜漆黑一片也未去擔憂！

長路就算多漫長似沒盡頭，
你總緊靠著我、輕挽我的手；
那怕歲月一飄去未可留，
能找到真愛已足夠！

DEAD DEAL

今日仍然係好忙, 因為仲係忙緊果大 deal...
差不多係10 billion既 deal, 大家都好努力又好緊張
個個都好大壓力......
原本個bid係7月3日架.....

不過晚上7點幾既時候, 老板同我地講 "all you can go home now"
吓....咩事丫, 我仲係度努力救緊我做個成個下晝既file.
原來, 有個 secret deal....
我地不戰而敗.... game over.....
辛苦左兩個幾星期既工作......完完全全係無用
都唔知甘辛苦為咩

上星期老板仲同我地講....
大家努力下喇, 雖然公司環境唔係幾好.... 不過我地都"might have" 年中花紅
依家..睇黎都無望.....

勁忙

好好好忙.....
連part time 都無時間做
日日都係公司做到7.8 點
星期六, 日都要返公司做, 唔係返一兩個鐘.全日啵...
朝十晚六......勁辛苦
又無OT pay....連lunch, dinner都無...

真係好慘慘

1星期

ivan去左ct已經一個星期
好多人問既問題, 你點丫, 你OK嗎?你幾時會搬丫??習慣無

哈哈.....星期一至五都要番返...又忙..真係無咩時間去諗
Full Time 加 Part Time, 由朝9做到晚11....
真係累, 咩都唔會點諗

不過今日係星期六.
不得不講句,我真係唔習慣, 唔適應
突然覺得間屋好大, 好靜
生活好似無左重心, 做咩都提唔起勁
食而無味......好慘丫

以前自己一個人係美國生活,
都有一排朋友係身邊
不過依家大家都忙...朋友亦唔似以前甘Close
亦有好朋友仔唔係Miami
好似自己一個孤令令甘

唉.....唔知自己幾時先會習慣...唔再流淚呢?

oil price

嘩嘩嘩
油價日日都係甘升
依家我架車仔入一次油都四十幾五十蚊
以前......三十幾都夠嚕
食, 住, 行, 越來越貴......
唉

網上世界

呢個時代, 科技發展好進步
好多資料都可以在網上世界中找尋到
小時候既朋友仔, 兒時既照片
甚至足不出戶都可以上堂

唔知, 遲d可唔可以安在家中甘去church
可以揀一個真係有家感覺既church

但.......科技既發達亦令好多人失去social skill 既能力

係利定係弊??

別離了

終於要分離了, honey豬搬左去CT....
真係好唔捨得....不過無辦法...
一齊年幾後,第一次要分開
希望自己真係可以適應
唔知我地呢段異地戀既結果會係點呢??

有時真係人算不如天算
舊年以為樣樣事都好順利
但.....突然好多事發生, honey豬既工作, 我既工作...等等
好多既計劃要改變
不過深信, 主一定有佢既打算, 佢一定會為我安排最好既
只好將前路交付於主你的手中

Part time

哈哈....
要開始做Part-time 嚕
雖然人工唔係多..
不過可以幫補下學費都ok既
一日都係做多2個幾鐘...

不過唔知可以堅持幾耐呢?

Masters of Science in Banking and Financial Management

FIU 既 Master of science in finance, 定係唔通學校既 MBA....等等既option

最後決定左報讀 Boston University 既 Masters of Science in Banking and Financial Management
雖然係貴d...不過點都係一間出名d既學校
不過唔知人地收唔收我

進入倒數階段

仲有10日, honey豬就要搬去CT,
真係好唔捨得, 唔係好開心
唔係好想social......only想留係屋企

唔知自己會唔會適應呢??

慘慘豬

仔仔今日去左洗牙仔..
不過狗仔洗牙係要全身麻醉..
好慘慘豬丫...兩隻手仔都包晒崩帶

逃避

每當我唔開心時
我都鍾意逃避
咩都唔想做....連我最愛既行街,都唔想去
咩都唔想講....自閉係最好
留係屋企即係我既安全屋
最好就係睡...又咩都唔駛理..唔駛諗
睡醒, 時間又好似過得快d...

傻係傻d....但...都唔錯丫

另一輪laid off

唔知真假....
下一輪laid off係下星期五
仲係一次勁既laid off
唔知又有幾多人俾人燉冬菇...

而我又會否在其中?

捨不得

越來越接近honey豬要走既日子
我亦越來越唔捨得
每每想起都想喊

好快就無人係身邊嚕
又要自己一個過日子
唔可以再依賴, 又無人俾人撒嬌

姑姐之前問......
究竟我揀定未......決定自己既婚姻同將來未
我估我決定左..同揀定.....
因為我知我真係好唔捨得佢
我心知..佢真的待我好...
處處以為大前題....

無感覺

係無感覺
定係無所謂
又或者係無信心

或許....我已經唔在乎...
準備放棄

期待

有時期望越高失望越大.......
有時期望係一種原動力.......

當期望幻滅時, 人變得萬念俱灰
當期望達到時, 人終是興高采烈

甘究竟期望係好定係越呢??

請不要再問

過多3星期, honey豬就會搬去CT....
好多人不停甘問我,我會點

古語謂:嫁雞隨雞,嫁狗隨狗,嫁著馬騮通山走
我明我知. 但我未嫁.....所以係唔會跟著佢搬

亦唔好問我幾時結婚.......要問既唔該去問ivan.
結婚係兩個人既事, 但我真係唔知佢點諗
幾時結婚都唔到我話事....
要問既, 應該問ivan幾時求婚先喇....

請大家唔要再問!..我真係無答案

我知大家係關心我疼錫我先去問
不過......我真係唔知...
問...只會令我尷尬...因我唔識點去回應

please don't ask me any more...

我會乖乖甘去禱告..主一定會有所旨示

最近比較煩

最近比較煩..比較煩....
好多野要決定...要諗
但係諗完一大餐之後...其實都係無答案
庸人自擾而已....
聽得最多既係....結婚咪咩問題都解決晒囉
真係甘簡單???
或者,等我收到小玩意之後先再決定

Honey豬今日收到offer, 係好開心既一件事
不過好矛盾甘唔開心, 因為知道佢好快就會離開miami...
之後我地就會分隔兩地, 我地既關係又會係點呢??

又一個

唉........今日又一個同事俾人laid off
今日我條team 既人....
雖然同佢唔係好熟....不過都算相識一場
都有d傷感...
好似迫到埋身

唉...唉... 唉

選擇題

玩下遊戲先---你會擇

1. 一份自己鍾意又有興趣,不過係發展中既工
2. 一份係大公司, 人工好,福利高既工
3. 一份人工超高, 但自己興趣乏乏既工

人人既選擇都唔同...
不過我一向都係向錢看既人.
大公司 = 前途好 => 錢途好....係一個唔錯既選擇

人工超高都唔錯....不過可能只可以做一兩年...儲都下錢就走人
無咩興趣既工都做唔長架喇

現實d講句...好難為理想為興趣而工作
人要生活不得不低頭

Hartford, CT

Mother day's weekend 去左Hartford, CT
Hartford, CT係於new york同boston既中間
算係半旅行喇....
主要係陪Honey豬去interview
因為一個幾靚地方.....起碼有四季先喇....
依家係春天, 鳥語花香.....好舒服丫.....

如果Honey豬interview成功既話
甘佢就要搬去嚕...都有d唔捨得架

中國大地震

中國大地震.....死傷無數
好悲慘既慘劇
天災係無人可以預測得到
只希望救援既工作可以進行得順利些
可以拯救更多既生還者

近年既天災越來越多...........

唉

矛盾既人

唔...自己都幾一時一樣
又三心兩意啵...
其實自己都真係唔知自己想點

好似....
我打算俾人laid off之後返香港啵
但...有時又會諗不如係美國試下搵下工喇.
再唔係就嫁左去...一心做個c9.
不過因為身份既問題而嫁人...我又會開心嗎??
一直都覺得自己係好堅強又獨立架啵.
最近好似越來越依賴......可能太習慣有人照顧又有人錫卦(晒下命都得卦, 哈哈)
唔知依家既我可唔可以自己一個生活呢??
係點好鬼死矛盾呢?!
真係唔係好知自己想點....

缺乏自信

最近自己好似無咩幹勁....咩都唔想做,咩都唔想諗
無咩自信, 好似做咩都做唔好
好大壓力...唔知幾時會爆煲
好想好想休息,放一個悠長假期

公司依家個個星期炒人......
精神壓力好大...
個個同事都無笑容, 好似食左好多苦瓜甘
真係唔知幾時輪到自己
舊年6月,公司有2000幾人
2008年既5月, 已經得返6,7百人
真係幾可悲!!
前路真係唔知係點

求主保守帶領我前路

又一個新blog

哈哈....差唔多每半年就會開一個新blog
唔知呢個又會用幾耐

依家又多個地方發洩下我既不滿,壓力
又可以同人分享下開心事

公司大地震

去完香港返黎...公司好似完全唔同左喇

4月第一個星期, 公司就炒左750人. 半間公司既人俾人laid off..

真係唔知幾知到自己...如果真係到我既話,我又會點?我何去何從..我既選擇係咩呢?

最近真係好係好大壓力, 返到公司, 個個人都無笑容, 大部分人都好安靜甘做自己既野.

自己最近好容易就喊.....或者真係壓力太大卦

我真係唔知公司既地震震完未...希望公司可以好快甘穩定喇

香港行 2008

今年既香港之旅都係得兩個星期

好匆忙既一個旅程. 要去香港, 澳門同大陸

特別之處係我男友仔同我一齊返...

26歲既生日係香港渡過

真係好開心...好多年都無係香港過生日嚕

感謝所有陪我一齊去玩既朋友仔.

感覺真係好好, 無論大家相隔幾遠. 見到面就好親切, 大家好似無分開過

今次俾人問得最多既問題係.

你幾時會結婚??

哈哈哈....一定唔會係2008既事

沙沙話, 佢10個小學中學有9個結左婚, 但中學同學就好似無

我覺得讀女子中學既, 對自己既能力有一定既信心, 唔認為自己既能力比男仔差, 又唔駛依賴任何人.

點解要甘早結婚啵!

最喜歡文文既妙論... 係必需品定奢侈品

除左錢. 親情, 友情係必需品外,

其他都係奢侈品, 無左係會傷心, 但唔會生活唔到架.

只會說句: 擁有時, 惜之

當然曾經有恨嫁過, 有幻想過自己既婚禮

不過, 現實中, 仍然存有好多未解決既問題

現只擁有一張長期飯票既期票. 兌現既時候會再作另行通知!!!

講返香港行:

一年無見我既契仔hei hei, 今次見佢又大個仔左.好鬼死可愛...最鍾意推車車, 好掛住佢

而契細佬ethan..非常之重...不過好乖仔.只可以抱一陣, 唔係手都軟. (p.s 6個月大既巨b, 重25磅)

係香港都係忙住見朋友, 買野同食野!

去左澳門, 威尼斯人酒店真係唔錯,間酒店房又大又舒服.

不過都貢獻左幾百蚊...

又去左大陸...主要都係食, 食同食

今次既旅程, 非常之忙.又累.

好多野都無時間去做, 好多朋友都見唔到

唯有下次囉.

成日都有下次架喇.....

朋友們, 2009 年香港再聚

諗緊咩

唔知點解感覺你越來越遠
越來越唔明白你
更加唔知你諗咩

或者,
我既決定係錯既

或者,
我地唔相襯

或者,
大家都有秘密

或者,
大家來自兩個唔同既世界

或者,
........................

太多太多既或者
根本唔知在那出錯

Car Accident

擒日
當我們在回家既路途中
發生交通意外
事件中無人受傷
受害者係我可愛既MINI.

事源...
無喇喇有個盲毛無睇清楚就轉彎
而我地就係直路行緊
由於Ivan睇唔到有車轉彎...
當睇到既時侯已經太遲.
車頭撞人地架車身
我既MINI右邊車頭受損
人地架車就打在個白鴒轉先停
錯不在我地
不過都有D唔開心
都係驚驚地
又唔知架車要整幾耐
seeme安慰我..就話我架車夠硬
唉

~~~~~~~~~~~~~~~~~~~~~~~~~~~~~~~~~~
點解唔好既事一浪接一浪甘黎
希望好事會接住黎喇

問號

我只係一個平凡既人
希望過既日子係平淡
唔需要大起大跌.

原來平淡甘過日子, 一d都唔易
一個又一個既消息
真係令我吃不消

公司人人都擔心
唔知可否渡過今次既金融危機??
我未來又會如何
唔驚就假.
但又可以點啵.

人生真係充滿許多問號
????????????????????

鼠年

大年初一

同大家拜年先,
恭喜發財

祝
心想事成, 步步高升, 財源廣進!!!

最緊要既係

龍馬精神

賭博

其實人生每個決定都好似係一場賭博
需要依靠一點運氣
亦要靠一DD既勇氣
有可能係羸
又有可能係輸

我一直都係一個帶一股傻氣既投資者
但願我既決定係無錯架喇
傻人有傻福麻.

唔賭下又點知結果
係咪?
~~~~~~~~~~~~~~~~~~~~~~~~
放低唔係一件易事.
眼見身邊一個一個都好幸福
係一件值得高興既事
有D羨慕又有D嫉妒
唔知幾時先輪到自己呢??

真係得天知地知你知, 我唔知..
唉...真係無咩天理啵

習慣性

習慣性的可怕

每事一旦習慣就變得順利成章

淡

心情最近好灰

可能因為我將d事複雜化

又或者我心充滿恐懼

唔知點解你既回答令我心痛

每每點想起. 都令我落下淚兒

seeme話...做人簡單d, 就會開心d

唔係唔想...不過越在乎,越難放下

係自己無信心... 急於得到一個肯定??

定係

想自己安定不再飄泊??

放棄了.

隨緣去.

或許,

一天我真係會放下

現在

失去勇氣....不敢再提

只會

一切跟隨主既旨意

2007年大事回顧

2007年話甘快就過左喇
07年...發生左好多事.
有好有壞
壞既大部份都係頭半年發生.
先苦後甜..
好事一件件甘跟住黎

壞既就唔好提喇..

好既就要好好記住
- 轉左份好工
-搵到張長期飯票 (一個好男友)
-換左架車車.

希望08年..好事一直來

08年:
要讀MASTER（ｆｉｎａｎｃｅ？）
要去旅行...香港,黃石公園...etc
要減肥．．（最好減到２０磅）
仲要好好甘做好份工

願大家０８年都係好好既一年
身體健康！！