新年快樂!!

祝大家:
萬事如意, 心想事成, 龍馬精神.......
各牛年新娘:
做個靚靚新娘子, 事事順利, 甜甜蜜蜜
已嫁既jm
有一個對你如珠如寶既老公.....恩恩愛愛

My Lucky Day

今日係我既幸運日......

唔....本來星期五左HOLD返香港既機票

價錢OK喇....

不過因為琴日要去training既關係,唔得閒過數

今日打電話去問, 點知貴左好多(差成百美金)

唯有, 拿拿聲上網再搵機票喇...

用飛行程數換機票既機會係微乎其微

成日都無位, 有時早成年訂都無, 有時岩日子去, 又無機位返

點知.......

今日, 我竟然可以用飛行程數換機票

仲要係同我本來想訂既日子一模一樣.....

太太太太開心....

我只係要俾稅..(約$80美金)

慳左成千蚊....

到依家都唔係好相信

大約4點幾, 我同事同我講, 百貨公司有野派出

快D去拎喇

我立即蛇左出去

原來幾間化妝品公司俾人告...佢地敗數

依家要拎番價值1.75MM美金既Product出黎派

派既都係好野

我就揀左: COCO Chanel (Body Lotion), Vera Wang (Body Scrub)

兩個寵兒

又係時候post下我既全家福......不過我都係太肥....唔得唔得...要努力減肥先

傳統的聯婚Logo

一個傳統既聯婚logo.....
不過唔知用係邊好呢??

2008年最後一份禮物

08年既最後一份禮物 ~ 公司bonus一份....
呢份禮物真係預料之外.....雖然員工合約係訂明一年兩次既bonus...
不過依家既經濟甘差...唔俾人laid off就算好事....點會諗bonus丫....
一份唔係多既bonus....好多同事唔知足....係度呻甘少...
我就非常滿意, 夠我去honeymoon喇......
朋友們: 知足常樂

再一次挑戰自己

哈哈..自己又再一次向難度挑戰.....
決定報考CFA......幾年前報左不過無考(因為準備唔夠去左都係肥架喇)
今年真係的起心肝再考....
係自己最忙攪婚禮既時間又要讀書....真係會好辛苦同忙
但.......真係要增值自己...唔係會俾人out出局架
加上, 我係越忙越精神既人......
祝我好運喇.......仲有5個幾月時間

第一次試婚紗

呢個周末, 一個大學時期既好友黎探我啵....甘我地除左傾通宵之外, 我地仲去左試婚紗, 由決定結婚之黎, 第一次試婚紗, 感覺都幾奇怪, 一直係度諗自己著左婚紗既樣係點, 又驚自己肥著得唔好睇.............
終於.........我地去左玩喇....因為我係唔會買架.....美國好多女仔都係買婚紗, 婚後收起, 當然美國地方大, 屋企都一定可以搵到地方安置既......當日, 我試左十幾件...

第一件, 亦係我最鍾意既一件, 不過呢個顏色係偏啡, 一轉成Ivory感覺就無甘靚嚕....

No. 2 最愛...

普普通通既一件

呢件同No. 2好似, 不過花好多同埋成熟好多

不過原來自己著起婚紗都唔算太肥......真開心, 而同行既朋友(有男有女)都覺得ok, 唔肥....

甘我就唔駛迫得自己甘勁..嘻嘻....
我既婚紗會係拖尾同埋蛋糕泡泡散開既
期待係香港會搵到一見合心水既婚紗喇

我的歪理奶奶

我既野蠻奶奶.....激死我架喇
佢打電話去我屋企, 問我媽收左禮金未啵....

我星期日係佢屋企...好清楚同未來99講....我會再婆婆份厚禮, 一半做禮物, 一半買金器俾婆婆同舅父幫我帶..... 我媽真係suprise囉....

後來我打返俾未來99, 同佢講...我好清楚話左女家咩都未收... 你都講明咩都唔比, 我媽又點會收左 酒席我自己俾, 餅咭我自己俾.... 未來99仲同我講...同我媽有共識..... (完全同我媽講既唔同囉)

99話: 你媽話係馬會(即結婚當日先過大禮)無問題? (下, 我媽話要老豆傾下先啵) ~

佢係完全唔想過大禮囉.....99以前都講過....兩方家長見下面飲茶俾利是就算 新潮人..唔講禮節...先後次序更加唔緊要 未來99: 唔好擔心過大禮, 呢d係大人既事, 佢會同我媽傾啵.....(下??)

最後: 你地依家撻晒d野都可能唔駛蝕甘多

仲有丫....以前, 我有提議係酒店入門....未來99話:我屋企好寒酸咩, 唔可以入門 我話無所謂, 你想返屋企入門咪返左....(我只不過想好好睇睇, 俾面佢地ja, 佢屋企咩傢俱都無, 仲有張床係廳) 今個月, 佢話: 屋企太細, 你地甘多人, 都係唔好上黎喇, 係馬會敬茶就算...(下, 即係唔駛我入門??) 講就好聽, 唔駛你地四圍走....

結論:因為唔係對男家無利無著數, 所以梗係唔想做喇.......唔理過大禮, 唔駛入門, 最好唔好結婚

我99成日話既野係歪理都算喇, 仲要講過既唔算數, 當你駁佢咩....佢話:咩我有甘講過咩, 唔記得喇.. 以前既唔算....當粉筆字抹左去.... 你記著依家講既就岩喇... 不過天天新款.....日日不同....

最最最好笑, 擺酒, 女家都唔駛收埋人情, 不過男家要啵.....咩世界丫? 錢又唔出, 不過又要收番....仲要請埋佢阿哥廿年都無見既同學啵, 話阿哥都係長輩, 請埋佢D朋友係應該..(下, 阿哥最多咪係平輩, 點解我要請埋D唔識既人, 我男友仔都唔識未見過既) 唔知人地係咪想請多D人, 咪收番D人情囉.....
我真係頂唔順喇.....

仲要成日形容我係一個貪錢既人,成日有意無意甘講我男友養埋我..... (雖然我自己搵既錢唔係多不過都唔少足夠供得起自己加架車有餘...依家我都有份供層樓架)....ANYWAY, 我男友真係養起我又點丫, 關你鬼事, 99應該高興個仔有甘既本事.

好多人一直同我講, 忍你99, 佢係你長輩...blah blah blah, 我真係用最大既容忍力去忍去讓..........不過經過甘多唔同既事(當你親身體會, 真係難受100倍), 我真係唔覺得我可以甘心命抵叫佢地一聲 "老爺, 奶奶"

磨砂

除左張面要靚靚之外......身體背脊都要靚架
我自己本身成日都有粒粒....
依家開始一星期做兩日BODY磨砂.....
哈哈........為大日子做個靚新娘努力

介紹下我會用既Product先...
Body Shop - 熱情果...都幾香...最緊要平(美金$8)
Bath and Body Works - Moonlight path (係玫瑰, 薰衣草,同埋紫羅蘭)

我的美麗日記

終於拎到我既MASK-我的美麗日記喇

依家已經做左1個星期, 真係幾好用, 又平平地啵
真開心.....我朋友幫我拎番黎既數目夠我用到返香港喇(就算我日日用都可以)
不過有人同我講...我唔可以日日做MASK...太補..對SKIN唔好啵..
我依家打算隔日用囉

laid off 又黎喇

琴日, 我個department又laid off左一個同事喇
唉....仲以為公司平安無事....
原來只係假象一個.....
我個department只得6個人, 依家得番5個人,,,,,
唔知下一個係咪我呢??
擔心擔心

兄弟團

唉.....依家要擔心兄弟團既問題喇.....
有2個兄弟,因工作既關係唔可以返香港喇....
依家要頭痛係邊度搵兄弟............

蠻不講理

火星族家人又出招喇.........
未來99話, 男家請客, 不過人情禮物, 佢地要收埋啵, 因為佢地返香港都有開支, 真係好無理架, 女家都唔收人情, 男家有咩理由要收啵.....好老實講, 我打算用人情cover擺酒既cost架.....算喇....我又可以講咩啵.....
女家之前要既禮金, 酒席同餅咭, 男家係話明唔俾, 最多係俾3圍酒席(問係咪2000hkd一圍啵)加1個cake....無問題, 我又唔可以迫佢地俾.......聖誕節男友同佢地傾我地婚事, 佢地話俾4千美金賀我地結婚啵(好似好偉大甘架)..... (男友話:佢地俾4千美金加3圍酒, 我話以佢地既性格, 4千美金已經包晒) 哈哈...結果梗係我岩喇...... 佢俾4千美金, 真係好似好多甘架.....不過佢地最少要番3圍酒席....即係咩都無俾女家喇.....算!
甘未來62話我男友仔應該要一套新西裝啵, 話俾$300美金佢買一套啵...真係好nice丫....過左幾日後, 佢同男友講佢依家爬阿哥頭結婚, 所以要買番套西裝俾阿哥啵....我男友即刻黑面, 未來99先話起碼都要買條褲, 祝阿哥大富大貴啵....下, 送西裝俾honey 豬, 不過下一刻立即要嘔番出黎.....真係偏心..... (要同佢阿哥一齊買, 買佢鍾意既, 真係唔知我荷包要出幾多血)
我地係香港擺酒, 未來大伯話要請埋佢朋友....下, 咩道理丫, 依家係我結婚, 關佢大佬咩事, 我 honey豬又唔識佢d朋友, 仲要係佢阿哥廿年前既同學, 呢廿年只係見過2次甘"大把".........未來62話大伯都係長輩, 下, 佢最多咪係我平輩.... (講真, 我有錢或者佢地斜番d人情幫補下, 甘請都ok既, 但我地能力有限, 甘請既話我地真係out of budget太多)
真係激死我喇

減肥計劃

唉.....因為呢個假期食得真係太開心....
我既體重甘就上升左3lbs喇........慘慘慘....
2009年, 由144lbs重新出發.........我既目標係125-130lbs架....
努力做gym, 玩wii 加埋我既營業餐........
希望我達目標喇

聖誕節 ~ jacksonville

今年既聖誕節, 返左jacksonville姑姐屋企...真係非常relax
24號, 早放(around1:30)就立刻同ivan豬起程, 因為車程係需時6小時.....剛剛趕得切同姑姐一家食晚飯......之後梗係係碼頭釣魚嚕
25號, 我地去左飲茶, 之後係屋企睇電視同釣魚, 因為係美國聖誕節, 美國所有shop都唔開...呢一個係family holiday通常都係屋企渡過......晚上就去左姑姐朋友屋企gathering.
24-29號我都係姑姐屋企渡過.....哈哈....真係好relax, 因為佢地錫晒我......餐餐lunch都整到好似dinner甘豐富....因為晚晚既dinner姑姐都有飯局...(有crab cake, 生菜包, 水餃, 煲粥, 炒粉, 牛仔骨, 燜牛肉 etc)
真係好好味....所以呢個假期係捧著個肚返黎....唉, 真係肥左3lbs......

2008大事回顧

2008年唔算係精彩既一年.....無咩特別既大事發生
最大件算係: 我同ivan 豬決定係牛年結婚 (有人問: 點解個決定甘突然? 係咪有左) 哈哈....只要覺得佢係mr.right甘就係最緊要, 呢個決定唔係因為時間既長短...最緊要係適合
因為經濟唔好既關係, 我份工既壓力係超大.....公司由03/2008開始laid off.....返工真係提心跳膽....成日都唔知下一個會唔會係自己.. 公司既size都大縮水..由2500人到年尾得番650-700人....感謝主, 我仍然在自己崗位上
係2008既6月, 要同ivan豬開始分距兩地, 呢個對我地而言,係一個大考驗, 由相識到相愛, 我地都無分開過, 因為地理位置同飛機票既關係, 我地只可以一個月見一次.....
2009年係我同ivan豬既一個新既里程碑......展望新開始, 新生活.....
希望我地婚姻幸福美滿, 我可以搵到一份好既新工......